हलेसीन्युजडेस्क, खोटाङ

खोटाङको रावावेसी गाउँपालिका–२ खार्पामा खार्पा महोत्सव तथा श्रीमद्भागवत सप्ताह ज्ञान महायज्ञ शुरु भएको छ । चेलीबेटी समूहको आयोजनामा खोटाङको रावावेसी–२ शारदा माविको प्रंगणमा आज देखि (चैत्र २७ गते) सप्ताह ज्ञान महायज्ञ शुरु भएकोे प्रचार प्रसार समितिका सदस्य शेखर  पोखरेलले बताउनु भयो ।

महोत्सवले धर्मप्रतिको आस्था बढाउनुको साथै धार्मिक पर्यटन प्रवर्धनमा पनि सहयोग पु¥याउने अपेक्षा गरिएको छ । महोत्सव तथा महायज्ञ आजबाट शुरु भएर  वैशाख ३ गतेसम्म चल्ने आयोजक खार्पाली चेलीबेटी समूहले जनाएको छ । आज बिहान ८ वजे कलस शोभा यात्रा, मण्डप पूजन तथा श्रीमद्भागवत शुभारम्भ गरिएको छ  । अब हरेक दिन नित्य पूजा अर्चना, दैनिक पाठपारायण तथा संगीतमय प्रवचन, नृत्य झाँकी प्रदर्शनका साथमा विविध कार्यक्रमहरु हुने आयोजकले जनाएको छ  ।

यस्ता महोत्सव तथा धार्मिक अनुष्ठानले देश तथा विदेशका विभिन्न भूभागमा रहेका वासिन्दाहरुलाई भावनात्मक एकतामा गाँस्न सहयोग पुग्ने र आफ्नो जन्मभूमि प्रति केही गरौँ भन्ने भावना जागृत हुने खार्पाका अग्रज एवं पूर्व प्रशासक सिताराम पोखरेल बताउनुहुन्छ ।

यो पुनित अवसरमा देश विदेशका विभिन्न ठाउँमा रहनुभएको रावावेशीका नागरिकहरु सहभागी भैरहनुभएको थाहा भएको छ ।

 [ यो पनि-रावावेशी-२ खार्पामा चैत्र २७ गतेदेखि खार्पा महोत्सव तथा सप्ताह ज्ञान महायज्ञको भव्य आयोजना गरिदै }