बैशाख २८, २०८१, खोटाङ
यातायात पत्रकारिता पुरस्कारद्धारा दुइ पत्रकारहरु पुरस्कृत
हलेसीन्युजडेस्क, खोटाङ /
खोटाङ यातायात प्रालिको दशौँ साधारण सभा तथा छैटौ अधिवेशनको उद्घाटन कार्यक्रम सम्पन्न भएको छ । खोटाङ यातायात प्रालिका अध्यक्ष टेकेन्द्र रार्ईको सभापतित्व तथा नेपाल यातायात व्यवसायी राष्ट्रिय महासंघका अध्यक्ष विजय बहादुर स्वाँरको प्रमुख आतिथ्यतामा उद्घाटन कार्यक्रम सम्पन्न भएको खोटाङ यातायात व्यवसायी संघका महासचिव रामकुमार हिङमाङले बताउनु भयो ।
‘खोटाङको लगानी, खोटाङको यात्रा, सुरक्षित यात्रा हाम्रो प्रतिबद्धता’ भन्ने मुल नारासहित शुक्रवार जिल्ला समन्वय समितिको समिक्षालय हलमा कार्यक्रमका सभापति राई तथा महासंघका केन्द्रिय अध्यक्ष स्वाँरले पानसमा बत्ति बालेर कार्यक्रमको उद्घाटन गर्नुभएको थियो ।
कार्यक्रममा नेपाल यातायात व्यवसायी राष्ट्रिय महासंघका वरिष्ठ उपाध्यक्ष सरोज सिटौलाले यातायात क्षेत्रलाई व्यवस्थित र सुरक्षित राख्न चुनौती रहेकै बेला सरकारका विभिन्न अपूरा नीतिका कारण यातायात क्षेत्र थप धरासायी र व्यवसायीहरु मारमा रहेको बताउनु भयो । उहाँले अगाडि थप्नुभयो- ‘राजनैतिक व्यक्तिहरु सडकमा हुँदा ठुला ठुला भाषण गर्ने तर नीति निर्माणका तहमा पुगेपछि सिंह बन्ने प्रवृतिकै कारण यातायात क्षेत्रलाई नेपालमा सुहाउँदो बनाउन नसकिएको हो ।’ विभिन्न बहानामा व्यवसायीहरुबाट हुने असुलीले व्यवसाय नै ध्वस्त भएको उहाँको धारणा रहेको थियो ।
यस्तै विकासको मुख्य मेरुदण्ड यातायात रहेको औल्याउँदै नेपाल यातायात व्यवसायी राष्ट्रिय महासंघका केन्द्रिय उपाध्यक्ष जीतबहादुर भारतीले यातायातलाई अझै मर्यादित, व्यवस्थित बनाउन आवश्यक रहेको बताउनुभयो ।
कार्यक्रममा प्रमुख जिल्ला अधिकारी शिबबहादुर कार्की, जिल्ला समन्वय समितिका उपप्रमुख शुरेस तामाङ, नगरउपप्रमुख विशन राई, जिल्ला प्रहरी कार्यलय खोटाङका प्रहरी निरिक्षक टिका बराल लगायतले शुभकामना व्यक्त गर्नुभएको थियो । शुभकामना मन्तव्यका क्रममा उहाँहरुले देश विकासको मेरुदण्डनै यातायात क्षेत्र रहेको भन्दै हरेक कुना कुनामा सेवा प्रवाह गर्नु महत्वपूर्ण रहेको उल्लेख गर्नु भयो । सवारी चालकलाई सडक सुरक्षामा ध्यान दिन आग्रह गर्दै नियमसंगत सेवा संचालन गर्न पनि उहाँहरुको सुझाव रहेको थियो ।
सो अवसरमा यातायात प्रालिको कार्यालय भवन निर्माणका लागि निःशुल्क रु. १५ लाख बराबरको जग्गा उपलब्ध गराउनुहुने बिष्णु कुमार श्रेष्ठलार्ई खादा माला लागाएर सम्मान गरिएको छ ।
प्रालिको दशौँ साधारण सभा तथा छैटौ अधिवेशन कार्यक्रमको अवसरमा दुई जना कृयाशिल पत्रकारलाई पुरस्कार पनि प्रदान गरिको छ । पुरस्कृत पत्रकारद्धय चिसाङ सेर्पा र सबिना परियारलाई यतायात क्षेत्रमा निरन्तर कलम चलाएको कारण यातायात पत्रकारिता पुरस्कार प्रदान गरिएको छ । उहाँहरुलाई जनही रु.पाँच हजार नगद पुरस्कार तथा प्रमाणपत्र प्रदान गरिएको छ ।
यसैगरी खोटाङ यातायात व्यवसाय संघका संस्थापक अध्यक्ष उपिन कुमार राई, यातायात व्यवसायी तथा नेपाल यातायात व्यवसायी राष्ट्रिय महासंघका केन्द्रिय उपाध्यक्ष जीत बहादुर भारती, यातायात प्रालिका सचिव बुद्धि विनोद लुर्ईटेल, चालकहरु कृष्णबहादुर तामाङ र विज्ञान भुजेललार्ई सम्मान गरिएको खोटाङ यातायात प्रालिका महासचिव रामकुमार हिङमाङले बताउनु भयो ।
छैटौँ अधिवेशनबाट नयाँ नेतृत्व चयनका लागि यतिखेर बन्द सत्रमा छलफल भैरहेको समेत श्रोतले जनाएको छ ।
दिलकुमार घमाल संसारमा मानिसले धेरै कुरा संकलन गर्छ । धन, प्रतिष्ठा,...
हलेसीन्युजडेस्क, खोटाङ / खोटाङको दिक्तेल रूपाकोट मझुवागढी नगरपालिकाले मुन्दुम ट्रेल भ्रमण...
सैयौँ भक्तजनहरुलाई आशिवर्चन प्रदान हलेसीन्युजडेस्क, खोटाङ / विश्वचर्चित स्वामी १००८...
हलेसीन्युजडेस्क, खोटाङ / खोटाङको दिप्रुङचुइचुम्मा गाउँपालिका वडा नं. ४ मार्से बतासे...
२०८१ माघ
माघ महिना मेष राशिका लागि फलदायी रहनेछ । योजना ठूलो बन्नेछ । समय अध्ययन र अनुभवका लागि सकारात्मक देखिन्छ । यध्यपि काममा चुनौती आउनसक्छन् ्। उपव्धि हात पार्न कठिन संघर्ष नै गर्नुपर्ने हुन्छ । तापनि, महत्वाकांक्षी काम प्रारम्भ गर्ने समय छ । मेहनतले अवसर प्रदान गर्नेछ र जीवनशैलीमा सुधार ल्याउन सकिनेछ । प्रयत्न गर्दा नोकरीमा प्रवेश वा पदोन्नति हुन सक्छ । व्यापारमा राम्रै फाइदा हुनेछ। लगनशीलताले सम्मानित स्थान दिलाउनेछ। शुभचिन्तकहरूले साथ दिए पनि आफ्नाबाट धोका हुन सक्छ। उद्योगतर्फ मर्मतसम्भारमा खर्च बढ्नेछ भने व्यवसायमा लगानी बढाउनुपर्ने परिस्थिति आउन सक्छ । सामाजिक कामको जिम्मेवारी प्राप्त हुनेछ । महिनाको अन्ततिर अकस्मात खर्च बढ्नेछ, सजग हुनु वेश होला ।
२०८१ माघ
माघ महिनामा वृष राशिलाई आंशिक फलदायी रहनेछ । परिस्थिति धेरै अनुकूल नदेखिए पनि मेहनतले काम सम्पादन हुनेछ । अवसर, आवश्यकता र चुनौती नै कर्मयोगका प्रेरक बन्नेछन्। सहयोगी अभाव र कामको चापले लक्ष्यप्राप्तिमा केही विलम्ब होला। अध्ययनमा धेरै समय दिन नसकिए पनि बौद्धिक स्तरका काम सम्पादन हुनेछन्। प्रेम र मित्रताको बन्धन कसिनुका साथै रमाइलो यात्रा गर्ने अवसरसमेत प्राप्त हुनेछ। लगनशीलताले बिस्तारै लक्ष्यमा पुर्याउनेछ। पहिले गुमेको स्थान प्राप्त हुनुका साथै आफ्नो वर्चस्व बढ्नेछ। टाढिएका आफन्तहरू नजिकिनेछन्। ईष्र्या गर्नेहरूले दुःख दिए पनि हिम्मतले काम बन्नेछ। आयस्रोत सबल रहनेछ। सामाजिक जिम्मेवारी वहन गर्नुपर्ला। महिनाको अन्त्यतिर आम्दानी र स्वास्थ्यमा बाधा पर्नेछ।
२०८१ माघ
माघ महिनामा मिथुन राशिलाई केही चुनौति आउन सक्छ । संघर्ष गर्नुपर्ने हुन्छ । राजनीतिक तथा सामाजिक प्रभाव कमजोर बन्ने समय छ । अस्वस्थताका बाबजुद कामको बोझ बढ्न सक्छ। सोचेको लाभांश नउठ्नाले चिताएको काम रोकिन सक्छ। दुर्भावना राख्नेहरूले बिनाकारण दुःख दिनेछन्। सवारी एवं हातहतियारको उपयोग सावधानीसाथ गर्नुहोला। आफ्ना कमजोरीप्रति टिप्पणी वा गुनासो बढ्नेछ। आलोचकहरूले भड्काउने हुँदा सहयोगीहरू टाढिन सक्छन्। स्वास्थ्यमा पेटको समस्याले सताउन सक्छ। खर्च बढ्नेछ र आयस्रोत पनि अलि कमजोर बन्न सक्छ। नाम चलेका व्यक्तिले समेत धोका दिन सक्छन्। स्वाभिमानका लागि संघर्ष गर्नुपर्ला।मिहिनेतले काम बन्नेछ। शुभचिन्तकहरूको सहयोगले अप्ठ्यारो परिस्थितिलाई अनुकूल बनाउन सकिनेछ।
२०८१ माघ
माघ महिनामा कर्कट राशिलाई केही उतारचढाव आउनेछन् । पतिपत्नीबीच मतभेद बढ्नेछ भने प्रेम सम्बन्धमा खटपटि आउन सक्छ । अस्थिर मनोवृत्तिले अरूको विश्वास गुम्न सक्छ । घरखर्च बढ्नेछ भने आयआर्जनमा केही कमी आउने सम्भावना छ। अरूका विषयमा चासो राख्ने बानीले आत्मसम्मानमा चोट पुर्याउन सक्छ, सजग रहुनुहोला। तापनि अध्ययनको सफलताले विदेश जाने अवसर दिलाउन सक्छ। सोखले खर्च बढाए पनि भौतिक सुविधाका वस्तुहरू जुटाउन सकिनेछ। विवादास्पद काममा जुट्नुपरे पनि मिहिनेतको फल प्राप्त हुनेछ। दोहोर्याएर प्रयत्न गर्दा रोकिएको काम बन्नेछ। पेसा–व्यवसायमा फाइदा हुनेछ। व्यापारबाट आर्थिक स्थितिमा सुधार आउनेछ। आस मारेको काम सम्पादन हुनाले नयाँ कामतर्फ आकर्षित भइनेछ।
२०८१ माघ
माघ महिना सिंह राशिलाई विशेष उपलब्धिमूलक रहनेछ । शत्रुबाधा वा कामका विविध झमेलाहरूको माहोलबाट अघि बढ्नुपरे पनि लक्ष्यमा पुग्न सकिनेछ । आँटले काम लिँदा विभिन्न स्रोत प्राप्त हुनेछन्। सहयोगीहरूको साथ जुट्नेछ। भौतिक साधनहरू प्राप्त हुनाले महत्त्वाकांक्षी योजना प्रारम्भ हुन सक्छ। दिगो फाइदा हुने कामको जग बसाउने समय छ। खर्च बढे पनि आर्थिक समस्या समाधान हुनेछ। रोकिएका काम बन्नाले उत्साह जाग्नेछ। लगनशीलताले जीवनशैलीमा परिवर्तन ल्याउन सक्छ। सानो प्रयत्नले दिगो फाइदा दिलाउन सक्छ। ईष्र्या गर्नेहरूले काममा बाधा पुर्याउनेछन्। आम्दानी बाहिरिनाले बेलाबेला अर्थ अभाव सामना गर्नुपर्ला। दोस्रो सातादेखि काममा प्रगति हुनेछ। कर्मसाधना गर्नेहरूलाई फाइदा हुने समय छ।
२०८१ माघ
माघ महिना कन्या राशिलाई सामान्य फलदायी रहनेछ । स्वास्थ्यबाधा र पारिवारिक असमझदारीले केही समस्या निम्त्याए पनि पेसा–व्यवसायमा फाइदा उठाउन सकिनेछ। चिताएका काममा केही विलम्ब भए पनि सहयोगीहरूको साथ जुट्नेछ। टाढिएका आफन्तसँग भेटघाट तथा मेलमिलाप हुनेछ। गुरुजनको प्रेरणाले अध्ययनमा हौसला प्राप्त हुनेछ। बौद्धिक क्षमता बढ्नेछ। पढाइलेखाइतर्फ राम्रो नतिजा प्राप्त हुनेछ। परिस्थितिले साथ दिनेछ भने मनको डर उत्साहमा रूपान्तरित हुनेछ। सानो प्रयत्नले आर्थिक स्थितिमा सुधार आउनेछ। पहिले अड्किएका काम पनि पुनः प्रारम्भ हुनेछन्। क्षमता प्रदर्शन गरेरै स्वरोजगार बन्न सफल भइनेछ। प्रयत्न गर्दा देश–विदेशको यात्रा गर्ने अवसर जुट्नेछ। स्वास्थ्यका लागि खानपानमा सजग रहनुहोला।
२०८१ माघ
माघ महिनामा तुला राशिलाई घरेलु समस्या सुल्झाउन जुट्नुपर्ने समय छ। उच्च महत्त्वाकांक्षाले समस्या निम्त्याउने हुँदा बुद्धि–विवेकले काम लिने चेष्टा गर्नुहोला। भूमिबाट लाभ मिले पनि घर–जग्गा वा स्थायी सम्पत्तिमा वादविवाद आउन सक्छ। परिस्थितिवश मातापिता र परिवारजनबाट टाढा भइनेछ। अरूको भरपर्दा चिताएको काम रोकिन सक्छ। असंयम व्यवहारले समस्या निम्त्याउनेछ भने निकटजनहरूसँग बिनाकारण वादविवाद हुन सक्छ। तापनि, साथीभाइ र बन्धुबान्धवको सहयोगले परिस्थिति अनुकूल बनाउन सफल भइनेछ। मिहिनेत गर्दा व्यवसायमा फाइदै हुनेछ। लगनशीलताले अप्ठ्यारा काम पनि सम्पादन हुनेछन्। कृषि र व्यापारतर्फ पछि फाइदा हुने काम थालनी हुनेछ। भाग्यले मन मिल्ने प्रेमपात्र जुराउन सक्छ।
२०८१ माघ
माघ महिना वृश्चिक राशिलाई केही संघर्षमय रहनेछ। तापनि विभिन्न अवसर जुट्नाले काममा उत्साह जाग्नेछ र प्रशस्त फाइदा उठाउन सकिनेछ। सुरुमा रोकिएका काम दोस्रो सातादेखि सम्पादन हुनेछन्। उद्योग–धन्दामा विशेष सफलता पाइनेछ। नोकरीमा पदोन्नति वा विशेष लाभ मिल्नेछ। राजनीतिक क्षेत्रमा पनि पद–प्रतिष्ठा प्राप्त हुने ग्रहयोग छ। प्रतिस्पर्धीहरूले हार खानेछन्। शत्रु र रोगबाट छुटकारा मिल्नेछ। प्रतिष्ठित व्यक्तिहरूको सहयोग जुट्नाले प्रतिष्ठित काम शुभारम्भ गर्न सकिनेछ। मिहिनेत गर्दा जीवनशैलीमा राम्रै परिवर्तन आउनेछ। घरमा सुख–समृद्धि बढ्नेछ। भूमिलगायत स्थायी सम्पत्तिको विषयमा केही विवाद निस्कन सक्छ। सगोलको सम्पत्तिमा भागबन्डा लाग्न सक्छ। पेट र कब्जियतको समस्याले सताउने सम्भावना छ।
२०८१ माघ
माघ महिनामा धनु राशिलाई कामको चाप बढ्ने सम्भावना छ । अवसरका लागि केही दौडधुप गर्नुपरे पनि तपाईंको गन्तव्य लक्ष्य नै हुनेछ। काममा चुनौती देखिए पनि आशा गरिएको फल बिस्तारै प्राप्त हुनेछ। पढाइ, लेखन, संगीत र कलामा रुचि बढ्नुका साथै प्रतिभाको उचित कदर हुनेछ। मिहिनेतले प्रतिद्वन्द्वीलाई पछि पार्न सकिनेछ। आँटले काम सम्पादन हुनेछ। व्यवसाय र उद्योगधन्दामा सामान्य फाइदा हुनेछ। केही धनमाल हराउने वा ठगीमा परिने सम्भावना देखिएकाले सजग रहनुहोला। स्वास्थ्यमा शिर तथा पेटको समस्याले सताउन सक्छ। आवश्यक पर्दा आफन्त र साथीभाइसँगको सहयोग नजुट्न सक्छ। घर–गृहस्थी, प्रेम सम्बन्ध आदिमा समय दिन नसकिएला। जिम्मेवारी पूरा गरे पनि सम्बन्धमा उतारचढाव आउन सक्छ।
२०८१ माघ
माघ महिना मकर राशिलाई सामान्य फलदायी रहनेछ । अप्ठ्यारा कामको नेतृत्व लिनुपरे पनि सफलताको यश प्राप्त हुनेछ। आँटले पुरुषार्थी काम सम्पादन हुनेछ। परिस्थिति संघर्षमय रहे पनि आर्थिक रूपमा फाइदा उठाउन सकिनेछ। बुद्धिको उपयोगले उल्झनहरू हटाउन सफल भइनेछ। प्रतिष्ठाको संघर्षमा विजय प्राप्त हुनेछ। दौडधुपमा खर्च बढे पनि आम्दानी प्रशस्त हुनेछ। आफन्तसँग असमझदारी बढे पनि साथीभाइले साथ दिनेछन्। शुभचिन्तकहरूलाई साथ लिएर अघि बढ्दा विशेष विशेष फाइदा हुनेछ। कृषि तथा पशुधनबाट फाइदा पुग्नेछ। देश–विदेशको यात्रा गर्ने अवसर जुट्नेछ । महिनाको मध्यतिर खर्च बढ्नाले अर्थअभाव देखा पर्न सक्छ । स्वास्थ्यमा टाउको दुखाइ तथा आँखाको कमजोरीले सताउने सम्भावना छ ।
२०८१ माघ
माघ महिना कुम्भ राशिलाई केही खर्चिलो रहने देखिन्छ । विवादास्पद काममा हात हाल्नाले अलि दुःख पनि पाइनेछ। आश्वासन बाँड्नेहरूले प्रतिज्ञा पूरा नगर्न सक्छन्। काम बने पनि पूर्वाद्र्धमा खर्च बढी हुनेछ। सहयोगको नाउँमा आफ्ना कमजोरीको फाइदा उठाउनेहरू सक्रिय हुनेछन्। अनावश्यक दौडधुपमा पनि समय बित्नेछ। आफन्तजन बिनाकारण टाढिने सम्भावना रहेकाले संयमतापूर्वक व्यवहार गर्नुहोला। वादविवाद र मुद्दा–मामिलाबाट टाढै बस्नु बुद्धिमानी हुनेछ । समस्या दर्साउँदा शुभचिन्तकहरूको सहयोग र सद्भाव प्राप्त हुनेछ । भविष्यका लागि विशेष काममा जग बसाउने अवसर जुट्नेछ। भूमि, वाहन र पैत्रिक सम्पत्तिको उपयोग गरी केही फाइदा उठाउन सकिनेछ । प्रयत्न गर्दा देश–विदेशको यात्रा गर्ने अवसर प्राप्त हुनेछ ।
२०८१ माघ
माघ महिना मीन राशिलाई उपलब्धिमूलक रहनेछ । रोकिएका काम बन्नुका साथै आयआर्जनका नयाँ स्रोत फेला पर्नेछन् । मानसम्मानका साथ प्रशस्त आम्दानी हुनेछ । समाजमा सम्मानित स्थान प्राप्त हुनेछ । नोकरीमा प्रवेश वा पदोन्नति हुन सक्छ । पढाइलेखाइमा पनि प्रगतिको समय छ। गरेका कामहरूको धेरैले प्रशंसा गर्नेछन्। उत्साहजनक समाचार सुन्न पाइनेछ। सोखले विलासी वस्तुहरू जुटाउन प्रेरित गर्नेछ। मिहिनेतले नाम, दाम र इनाम दिलाउनेछ । भाग्यले असल प्रेमपात्र जुराउनुका साथै घर–गृहस्थीमा मन रमाउनेछ। एकपछि अर्को गर्दै महत्त्वाकांक्षा पूरा गर्न सकिनेछ। दिगो काममा जग बसाउने अवसर जुट्नेछ। सोखले खर्च बढाए पनि विलासी वस्तुहरू जुटाउने समय छ यो महिना यात्राको सुयोग छ ।
अध्यक्ष :
प्रवन्ध निर्देशक
स्टेशन म्यानेजर :
कार्यक्रम संयोजक
बिज्ञापन शाखा प्रमुख
Copyright © 2023 All rights reserved by Halesi FM.
Designed & Developed by: AB Group (P.) Ltd.
