हलेसीन्युजडेस्क, खोटाङ /

खोटाङको दिप्रुङचुर्ईचुम्मा गाउँपालिका वडा नं.७ टेम्मामा, टेम्मा स्पोर्ट्स क्लबले आयोजना गरेको अन्तर वडास्तरीय (7A)Side पुरुष फुटबल प्रतियोगिता साथै एकल नृत्य प्रतियोगिता  सम्पन्न भएको छ ।  ‘स्वास्थ्यको लागि खेलकुद–युवा एकताका लागि खेलकुद’ भन्ने मूल नाराका साथ यही  कार्तिक १ गतेदेखि  कार्तिक ५ गते सम्म श्री कृष्ण मा.बि टेम्माको खेलकुद मैदानमा बिविध कार्यक्रमका साथ सम्पन्न  गरिएको टेम्मा स्पोर्ट्स क्लबका अध्यक्ष सुबासबाबु मगरले हलेसी एफएमलाई बताउनुभयो । 

उहाँका अनुसार फटबल  प्रतियोगिता तर्फ साकेला गाउँपालिका–२ रतन्छा प्रथम, आयोजक टेम्मा स्पोर्ट क्लब टेम्मा द्धितिय भएको छ । फुटबल प्रतियोगितामा प्रथम, द्धितिय हुने बिजेताहरुलार्ई क्रमशः रु ७० हजार, रु. ४० हजारको साथमा ट्रफी मेडल र प्रमाणपत्र प्रदान गरिएको छ ।  

                      खेलकुदका रोचक क्षणहरु

(7A)Side पुरुष फुटबल प्रतियोगितामा जम्मा १८ टिम सहभागी रहेको थिए । यस्तै उत्कृष्ट गोलकिपर र बेष्ट मिट फिल्डरमा दिप्रुङचुर्ईचुम्मा गाउँपालिका–६ टेम्माका सन्देश राई, योगेश रार्ई घोषित हुनु भएको छ ।  बेस्ट डिफेन्डरमा साकेलागाउँपालिका–२ रतन्छाका रामसुर राई, हार्ई स्कोर खेलाडीमा आयाम राई, बेस्टकोचमा  योगेश राई, बेष्ट फ्लेयरमा सोचन रार्ईलार्ई जनही रु.दुर्ई/दुई हजारका साथमा ट्रफी, मेडल र प्रमाणपत्र प्राप्तप्रदान गरिएको आयोजकले जानकारी दिएको छ । 

यस्तै खुल्ला एकल नृत्य प्रतियोगितामा दिक्तेल रुपाकोट मझुवागढी नगरपालिकाका अनिश अधिकारी प्रथम, जन्तेढुङगा गाउँपालिकाका लाजिमा रार्ई द्धितिय र दिक्तेलकै नेरिना मगर तृतीय हुनुभएको छ ।  प्रथम द्धितिया, तृतीय हुनेहरुलार्ई क्रमश  रु.१० हजार, रु.५ हजार र रु. ३ हजारका साथमा प्रमाणपत्र प्रदान गरिएको आयोजकले जानकारी दिएको छ । खुल्ला एकल नृत्य प्रतियोगितामा जम्मा २० टिम सहभागी भएका थिए । 

कार्यक्रममा स्थानिय कलाकारका साथमा हाँस्यकलाकार उमेश राई (फुलन्देको आमा), गायकहरु रुपकुमार राई, रोशन राई, हसन राई, बिनोद साम्पाङ राई, गण्डकी राई, गायिकाहरु सुनिता थेगिम, इन्द्रकला राई, अर्जुना रार्ईका साथमा मोडलहरु अनुशा राना साम्पाङ्ग, शशिकला रार्ईले बेजोड प्रस्तुति समेत गर्नुभएको टेम्मा स्पोर्ट्स क्लबका अध्यक्ष सुबासबाबु मगरले हलेसी एफएमलाई बताउँनुभयो ।

[यो पनि-दिप्रुङचुइचुम्मा–७ टेम्मामा वडास्तरीय फुटबल प्रतियोगिता हुँदै ]