हलेसीन्युजडेस्क, खोटाङ /

खोटाङको ऐसेलुखर्क गाउपालिकाका चालिसजनालाई उध्यमी घोषणा गरिएको छ । उध्योग, कृषि तथा सहकारी मन्त्रालय, कोशी प्रदेश तथा ऐसेलुखर्क गाउँपालिका र दायित्व अभियान वीचको सम्झौता अनुसार ऐसेलखर्क गाउँपालिकामा  सञ्चालन भैरहेको वृद्धिमुखी उध्यमशिलता र रोजगारी प्रवर्द्धन कार्यक्रम अन्तर्गत ४० जनालाई उध्यमी घोषणा गरिएको हो ।

पालिका उपाध्यक्ष राजेश राजभण्डारीको प्रमुख आतिथ्यता तथा दायित्व संस्थाका कोशी प्रदेश संयोजक भवानी विश्वकर्माका अध्यक्षतामा बैशाख २६ गते उद्धघाटन भै २८ गतेसम्म आयोजना गरिएको कार्यक्रममा पालिकाभित्रका उध्यमीहरुलाई आवेदन दिन आहन गरेकोमा ९४ जना उध्यमीहरुले आवेदन दिएको र आवेदन दिने उध्यमीहरुको सोँच र सीप, वीत्त लगानीको अवस्था, नवप्रवर्द्धन, वृद्धिमुखी योजना उध्यमको वर्तमान अवस्था, व्यवसायिक योजना, बजारको अवस्था, नेतृत्व सामुदायिक सकृयता र प्रभाव मापदण्डका आधारमा उत्कृष्ट ४० उध्यमी छनौट गरिएको दायित्व संस्थाले जनाएको छ ।

उद्धघाटन कार्यक्रमका प्रमुख अतिथि तथा पालिका उपाध्यक्ष राजभण्डारीले पालिकाका उध्यमीहरुलाई सकृयतापूर्वक वृद्धिमुखी उध्यमशिलता र रोजगारी प्रवर्द्धन कार्यक्रममा सकृयतापपूर्वक सहभागी हुन अनुरोध गर्दै कार्यक्रमको सफलताको शुभकामना व्यक्त गर्नुभएको थियो । कार्यकक्रमका विशिष्ट अतिथि तथा गाउँपालिकाका प्रमुख प्रशासकीय अधिकृत रेखबहादुर थापाले कार्यक्रमको मोडल प्रतिस्पर्धात्मक भएकोले सबै सहभागीहरुलाई सकृयतापूर्वक कार्यक्रममा सहभागी हुन अनुरोध गर्नुभयो । विशिष्ट अतिथि थापाले आर्थिक विकासका लागि उध्यमशिलता नै प्रभावकारी रहेको हुँदा उध्यम विकासमा यो कार्यक्रमले टेवा पुराउने विश्वास व्यक्त गर्नुभयो । यस्तै कार्यक्रमका अतिथि वडाध्यक्षहरु क्रमशः टेकेन्द्र राजभण्डारी, सुनिल राईले पनि कार्यक्रमको सफलताको कामना गर्दै मन्तव्य व्यक्त गर्नुभएको थियो ।

कार्यक्रमका अध्यक्ष तथा दायित्व संस्थाका कोशी प्रदेश संयोजक विश्वकर्माले प्रथम चरणबाट छनौट भएका ४० जनाबाट पुनः २० जनालाई छनौट गरिने छ भने नव प्रवद्र्धन र व्यवसायिक योजना प्रस्तुतिका आधारमा अन्तमा १० जना छनौट गरिने बताउनुभयो । उहाँका अनुसार अन्तिममा छनौट गरिएको १० उध्यमीहरुलाई स्तरोन्नति गरिने छ ।

ऐसेलुखर्क गाउँपालिकाका कृषि शाखा प्रमुख प्रमोद राजभण्डारीले सहभागी सबैलाई स्वागत मन्तव्यद्धारा स्वागत गर्नुभएको थियो ।