--------------प्रत्युन्ह पोखरेल

खोटाङ खार्पाकी १०६ वर्षीय रेणुकादेवी पोखरेलले २०८१ पौष २४ गते बुधवारका दिन भौतिक देह परित्याग गर्नुभयो । दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराईकी माता पदमकुमारी  भट्टराईकी आमा रेणुकादेवी पोखरेल आफनी छोरी पदमकुमारीले भौतिक संसारबाट विदा लिएको ठीक २९ दिनपछि आफूले पनि आफ्नै छोरीको पदचाप पछ्याउनुभयो ।

यस अर्थमा नगरप्रमुख भट्टराईमाथि लगातार वज्रपात भयो । गत मंसिर २६ गते आमा गुमाउनुपर्यो । त्यसको लगत्तै हजुरआमाको दुखद निधनले आलो मनको घाउलाई थप नुनचुक थपिदिने काम भयो । असह्य वेदनाले प्रताडित बन्दै नगरपालिकाद्धारा फागुण १५, १६ र १७ गते आयोजना गरिन लागिएको प्रथम राष्ट्रिय बाँस सम्मेलनको तयारीमा जुट्नु परेकै छ । दैन्यदैन्य जनसरोकारका काममा खट्नु परेकै छ । राजनैतिक कर्म एउटा तपस्या नै त हो । 

विक्रम सम्वत १९७६ साल अशोज १५ गते शनिवारका दिन पिता स्वर्गीय धरणीधर खतिवडा र माता स्वर्गीय जमुना खतिवडाको कोखबाट पहिलो सुपुत्रीको रुपमा रेणुकादेवीले जन्म लिई यो धरतिमा आँखा खोल्नुभयो । 

त्यो समयको प्रचलन अनुसार उहाँको पाँच वर्षकै कलिलो उमेरमा विक्रम सम्वत १९८० सालमा खार्पाका पोखरेल परिवारका महानन्द पोखरेल (हाल रावावेशी गाउँपालिका खार्पा रुभुंग) सँग वैवाहिक सम्बन्ध स्थापित भयो । उहाँहरुका पाँच छोरा, पाँच छोरी जन्मिए । सबैभन्दा जेठो छोरा खगेन्द्र पोखरेल हाल ८२ वर्षको उमेरमा हुनुहुन्छ ।

जेठी छोरी पदमकुमारीको दोर्पा चिउरीडाँडाका लक्ष्मीप्रसाद भट्टराईसँग २००६ सालमा विवाह भयो । उहाँहरुका माइलो सुपुत्र तीर्थराज भट्टराई नै हाल दिक्तेल रुपाकोट मझुवागढी नगरपालिकाका नगरप्रमुखको जिम्मेवारीमा हुनुहुन्छ ।

नगरप्रमुख भट्टराइकी हजुरआमा रेणुकादेवी आफ्नो छोरा बुहारीका साथ झापास्थित कन्काई नगरपालिका वडा नं. १ दुर्गापुरमा रहदै आउनुभएको थियो ।

नगरप्रमुख भट्टराई तराईमा जाँदा वेला वेला मावली हजुरआमा, जो शताव्दी पार गरेर एउटा सिँगो युगको जिवन्त इतिहासका रुपमा बाँचिरहनुभएको थियो, भेटेर आशिर्वाद लिने गर्नुहुन्थ्यो । उहाँ भन्नुहुन्छ—‘हजुरआमा टेलिफोनबाट मजाले कुराकानी गर्नुहुन्थ्यो । स्पष्ट हाम्रा कुराहरुको जवाफ दिनुहुन्थ्यो । राम्ररी चिन्नुहुन्थ्यो । तर एक वर्षदेखि त्यो शक्तिमा क्षय भैरहेको थियो । ६ महिनादेखि त मानिसलाई ठम्याउनै सक्नु हुन्नथ्यो ।’

विक्रम सम्वत २०८० सालमा हजुरआमा रेणुकादेवीलाई कन्काई नगरपालिकाले जेष्ठ नागरिक अभिनन्दन गरेको थियो । नगरप्रमुख राजेन्द्र कुमार पोखरेलको अगुवाईमा नगरपालिकाले घरैमा गएर उहाँलाई अभिनन्दन गरेको थियो ।

पारिवारिक श्रोतका अनुसार जीवनको उत्तरार्द्धमा पनि उहाँ सँस्कृतका श्लोकहरु, रामायण, महाभारत लगायत धार्मिक शास्त्रका पंक्तिहरु कन्ठस्थ वाचन गरेर सुनाउने गर्नुहुन्थ्यो ।

नगरप्रमुख भट्टराईले मामा खगेन्द्रबाट जानकारी प्राप्त गरे अनुसार खाना खाने, सुस्तरी हिडडुल गर्ने, उठवस गर्ने क्रममै उहाँको आकस्मिक देहावसान भयो ।

यसरी एउटा सिँगो युग सदाको लागि ढल्यो । शताव्दि लामो जिउँदो इतिहास सदाका लागि पटाक्षेप भयो । 

हलेसी एफएमका तर्फबाट हजुर आमा रेणुकादेवीलाई चौथो दिनको पुण्य तीथिका अवसरमा भावपूर्ण श्रद्धञ्जली ! 

[यो पनि--दिक्तेल रुपाकोट मझुवागढी नगरपालिकाका नगरप्रमुख भट्टराईलाई मातृशोक ]